Ende po vazhdon protesta e banorëve të fshatrave Rixhevë, Kijevë dhe Stapanicë, të cilët po kundërshtojnë fillimin e punimeve të zgjërimit të rrugës nacionale Kijevë-Dollc.
Por situata ka eskaluar dhe se protestuesit janë përplasur me policinë, ku si pasojë janë arrestuar tre persona.
E gjithë kjo ka ardhur pasi që policia ka tentuar që t’i largojë protestuesit nga vendi ku kanë filluar punimet. Por protestuesit kanë rezistuar që të largohen nga aty duke u përleshur me policinë.
Ndryshe banorët e tri fshatrave kanë kërkuar që rruga Prishtinë-Pejë të mos devijohet, ngase sipas tyre do t’i falimentojë të gjitha binzeset e asaj ane.
Ata në protestën e cila ka filluar në orët e hershme të mëngjesit të sotëm, kanë kërkuar takim me kryeministrin Albin Kurti, për të ia shprehur shqetësimet që kanë.
